Qeni i preferuar i mbretit Edward VII, zemëroi Kaiser Wilhelm II dhe ushqeu antipati që çoi në Luftën e Parë Botërore, sipas një dokumentari mbretëror.
Dashuria e Mbretit Edward VII për qentë shkaktoi një “trazim diplomatik” kur kafsha e tij e preferuar e zemëroi Kaiserin gjerman. Dokumentari i Netflix, “The Royals” një qen i vogël “ndikoi në rrjedhën e historisë”. Në vitin 1902, Mbretit Edward VII iu dha një ‘Terrier’, i quajtur Cezar, i cili shpejt u bë i preferuari i tij.
Kur Edëard vdiq në vitin 1910, kafshët e tij të dashura ishin të gjitha të pranishme gjatë funeralit dhe respektoheshin nga të gjithë të pranishmit. Cezari i vogël ishte ai që “fitoi zemrën e kombit”, por nga ana tjetër “shkaktoi një trazirë diplomatike”.
Korrespondentja mbretërore për “The Lady”, Thomas Blaikie, shpjegon: “Kaiser Wilhelm i Gjermanisë ishte shumë i mërzitur për Cezarin dhe rëndësinë e tij në funeralin e mbretit. Dhe mendonte se atij po i kushtohej më pak rëndësi se Cezarit.”
Toby Amies shton: “Kaiser gjerman i padurueshëm ishte i zemëruar për të qenë në të njëjtën lartësi si qeni i vogël. “Ajo tregon shumë për stilet e ndryshme të menaxhimit të Perandorive në atë kohë. Mbretëritë britanike përdorën kafshë për t’i bërë ato të dukeshin më njerëzore.”
Blaikie vazhdon: “Pas vdekjes së mbretit, Cezari do të qante jashtë derës së Mbretit dhe do të refuzonte të hante. Ai u bë një imazh i besnikërisë së të zotit të tij “.
Familja Mbretërore është e mirënjohur për dashurinë e tyre ndaj qenve, në veçanti racës së preferuar të Mbretëreshës, Corgi Welsh Pembroke. Madhëria e saj raportohet se tregon një interes të veçantë për dietën e qenve të saj të dashur dhe shpesh i ka marrë me vete në avionë privatë.
Megjithatë, kujdesi dhe vëmendja e saj duket se nuk përputhet me privilegjet e tepërta të Edward VII. Historiani mbretëror Rafe Heydel-Mankoo shpjegon se si: “Mbreti e mbulonte [Cezar] me dhurata dhe dhurata”.
Cezari kishte këmishën e vet private mbretërore dhe mbante “një jakë mrekullisht bujare që lexonte: ‘Unë jam Cezari, unë i përkas Mbretit'”. Përshtati TIRANA TODAY
