Kreu i Partisë Republikane, Fatmir Mediu tha sot ne seancën plenare gjatë diskutimit për votimin e Bodes si anëtar i Bordit të Mbikqyrjes së Bankës së Shqipërisë, se i njëjti shans duhet t’i ishte dhënë dhe Arben Malajt.
Mediu është treguar më i butë lidhur me emërimin e Bodes, ndryshe nga PD që e cilësoi atë si përfaqësues të Ramës. Kështu, kreu i PR tha se Arben Malaj është pjesë e Bordit të BSH dhe siç iu dha mundësia dy anëtarëve të tjerë Suela Popa dhe Edlira Luçi, e njëjta gjë duhet të bëhej me Malajn, që sipas tij do të mbetet një aktivist i PS-së.
“Unë nuk kam ngritur diskutime. Dua të them që në fillim se Arben Malaj i bën nder PS, se ka qenë dhe ngelet aktivist i partisë. Do ishte më mirë të mos lozim me fjalë. I njëjti shans duhet t’i ishte dhënë edhe Arben Malaj i cili është aktualisht anëtar i bordit së Bankës. Duhet të ndërtojmë një bord banke që t’i shërbejë interesave të vendit”, u shpreh Mediu.
