Arrestohet një nga organizatorët e sulmit terrorist të redaksisë së Charlie Hebdo. Ai është Peter Cherif, një xhihadist francez i cili u kap nga autoritetet në Xhibuti.
Ai njihet me pseudonimin Abou Hamza dhe po mbahet nga autoritetet, në pritje për t’u transferuar në Francë.
Ai ishte i lidhur me një grup xhihadist në Paris dhe nisi të hetohej për sulmin ndaj revistës satirike Charlie Hebdo pasi u zbulua se kishte pasur kontakt të rregullt me autorët Said dhe Cherif Kouachi.
Vëllezërit Kouachi u vranë nga policia franceze pak ditë pas sulmit vrasës. Peter Cherif u arrestua për herë të parë në Irak në vitin 2004 kur po luftonte në radhët e Al Kaedës.
I dënuar me 15 vjet burg në Bagdad, ai arriti të ikë në vitin 2007 dhe u nis për në Siri. Ai u ekstradua më vonë në Francë dhe u burgos për 18 muaj përpara se të ikte në Jemen.
Në vitin 2015 Cherif u vendos në një listë amerikane të “terroristit të caktuar global”, si një anëtar i i degës së Al-Kaidës në Jemen./ TIRANA TODAY
