Kapiteni i Stuttgartit, Christian Gentner është në ditën e tij më të vështirë pasi babai i tij ndërroi jetë në stadium duke ndjekur ndeshjen Stuttgart-Hertha.
Në përfundim të ndeshjes, Herbert Gentner ishte akomoduar në zonën VIP të stadiumit, kur ndjeu një shqetësim shëndetësor. Të kota ishin ndërhyrjet e menjëhershme pasi babai i kapitenit të Stuttgartit u nda nga jeta.
“Stuttgart vajton Herbert Gentner. Babai i kapitenit tonë, Christian Gentner vdiq në stadium, menjëherë pas ndeshjes tonë në shtëpi ndaj Hertha Berlin. Stuttgart i dedikon të gjitha mendimet dhe keqardhjen familjes së Gentner në këtë moment të vështirë”, ishte kjo komunikata zyrtare e klubit.
