Gazetarja Eni Vasili, si rrallë herë ka folur haptazi për disa detaje pikante. E ftuar në “Mos i fol shoferit” në “Ora News”, ajo ka treguar guxim, duke iu përgjigjur disa pyetjeve me “spec”.
E pyetur se cili është i ftuari që ka shijuar më shumë, ajo tha emrin e të madhit Ismail Kadare.
Ndërsa për personazhin më të vështirë, Eni përmendi kryeministrin e Shqipërisë, Edi Ramën, të cilin e cilësoi edhe arrogant.
Gazetarja e politikës dha një opinion edhe për ish-liderin e Partisë Demokratike, Sali Berishën dhe për Presidentin Ilir Meta. Për të, Berisha është një politikan në nivel rajonal. Po kështu, vlerësime mjaft të mira kishte edhe për presidentin Meta.
Rudina Dembacaj: Mendimi yt për Sali Berishën?
Eni Vasili: Është një politikan rrace. Është një politikan në nivel rajonal, i cili ka lënë shenjë. Mendoj që do duhet kohë që të përsëritet personaliteti i tij, me gjithë të mirat e të këqijat. Nëse më pyet për intervistat e tij, janë më të thjeshta se ato me Edi Ramën, është më komod, nuk është arrogant.
Rudina Dembacaj: Po për Ilir Metën?
Eni Vasili: Edhe ai politikan rrace, pa diskutim. E ka nisur nga FRESSH-i, mbërriti me një parti që vendoste rregullat e lojës, tani është President i Shqipërisë. Eshtë një njeri që nëse do huazoja Ramën duke e parë politikën si shah, është një njeri që ka ditur të kapë shah-mat disa herë politikën shqiptare.
