Shqipëria është duke kaluar një moment të vështirë dhe në shumë qytete kanë shpërthyer protestat. Fillimisht ishin studentët që dolën në rrugë dhe kërkuan uljen e tarifave e rritjen e cilësisë në arsim, pasi e cilësojnë në një gradë shumë të ulët.
Më pas protestat u shpërndanë në të gjithë vendin ku kërkohej ulja e çmimit të naftës, si dhe fermerët kërkonin mbështetje nga qeveria. E gjithë kjo situatë shoqërohet edhe me një largim masiv nga të rinjtë shqiptarë nga vendi, e cila së fundmi është kthyer në një faktor shumë shqetësues.
Ndërsa nga ana tjetër skandalet e qeverisë Rama janë të shumtë dhe me shifra të ‘frikshme’. Më i fundit ishte ai i Unazës së Re, ku një firmë fantazmë (DH Albania), me dokumente të falsifikuara përfitoi 30 milionë euro në një muaj.
Për situatën që ndodhet Shqipëria ka reaguar edhe koleksionisti i njohur, Rafet Kadriu. Me anë të një fotoje epike ai ka përshkruar gjendjen ekonomike në të cilën ndodhet populli shqiptar, të cilën e shoqëron me pyetjen: Kur popullit i vidhen Lekët nga politikanët.?
Fotoja flet vetë. Në të duket një burrë i moshuar rrobat e të cilit janë ekstremisht të grisura dhe për koleksionistin Kadriu në të tillë situatë ndodhet sot edhe populli shqiptar. TIRANA TODAY
