Ish-ministri i Drejtësisë, Ylli Manjani mbështet kreun e Partisë Demokratike, Lulzim Bashën. Edhe pse sot pati shumë kritika publike ndaj liderit demokrat nga vetë demokratët, Manjani shkruan se është dakord me propozimet themelore të Bashës.
Në një postim të shkurtër në Facebook, Manjani rendit 5 pikat në të cilat mbështet kreun e PD-së, ndërsa përfundon se tashmë duhet ndërruar mendësia qeverisëse në shërbim të interesit publik.
POSTIMI I PLOTË:
Jam plotësisht dakort me propozimet themelore të Kryetarit të Partisë Demokratike:
- Politikë e lirë, konkurruese dhe e dekriminalizuar.
- Shtet të së drejtës të depolitizuar e të drejtë.
- Ekonomi me treg të lirë, konkurruese dhe me shance të barabarta.
- Arsim perëndimor me cilësi.
- Kujdes social për çdo individ.
Plotësisht dakort edhe me idenë që nuk është fjala “të ndërrojmë Edi Ramën me Lulëzim Bashën, por të ndërrojmë mendësinë qeverisëse në shërbim të interesit publik”.
