Ish-kryeministri i Maqedonisë, Nikolla Gruevski i shpallur në kërkim është parë në një restorant në Budapest, duke drekuar i qetë me një person tjetër.
Gazetari i portalit “24.HU” është përpjekur që të komunikojë me Gruevskin, por ky i fundit e ka injoruar. Pasi ka drekuar, ish-kryeministri Gruevski është larguar me një makinë, që e priste jashtë.
Gruevski po qëndron në Hungari, ku i është pranuar kërkesa për azil, ndërkohë që në Maqedoni ai është i dënuar me burgim për korrupsion në çështjen Tanku.
