Ish-truproja i Sali Berishës, Sali Lushaj, si për çudi është parë në protestën e studentëve. I ati i këngëtarit Arkimend Lushaj, është parë që të vihet në mbështetje të studentëve, ndërsa nuk raportohet që prej tij të jetë shkaktuar ndonjë incident.
Protesta nisi mjaft paqësisht, por situata është tensionuar me kalimin e orëve. Momente tensioni në protestën e madhe që studentët kanë organizuar përballë Ministrisë së Arsimit. Gjithçka është provokuar nga djegia e flamujve të partive politike.
Një student i ka vënë flakën simboleve të PD, LSI dhe PS, ç’ka nuk është kaluar me sportivitet nga një pjesë e të rinjve.
Ata e kanë parë këtë gjest të kolegut të tyre, si shenjë e politizimit të protestës, ç’ka ka sjellë edhe debate verbale mes tyre.
