Studentë të universiteteve publike po zhvillojnë një protestë masive para Ministrisë së Arsimit. Ata kërkojnë reduktim të tarifave të shkollimit. Ndërsa “Tirana Today”, sjell pamje të kapura me dron nga protesta e lëvizjes studentore.
Sot, në protestë raportohet të kenë dalë studentë nga universitetet publike të Tiranës, Durrësit, Elbasanit dhe Korçës.
Me anë të një letre Këshillat Studentore të Universiteteve Publike i janë drejtuar me një kërkesë Ministrisë së Arsimit dhe Sportit, ku paraqesin 4 kushtet e tyre.
Studentët kërkojnë anulimin e VKM-së për pagesat për provimet e mbartura, përgjysmim të tarifës së studimit, përmirësim të kushteve të konvikteve dhe përfaqësim më të madh të studentëve në vendimmarrje.
