Një ditë më parë, mjaft bujë bëri lajmi i zënkës mes dy kushërirave, Beatrix Ramosaj dhe Anxhelina Hadërgjonaj. Ato nuk e ndiqnin më njëra-tjetrën në rrjetet sociale. Por tashmë është mësuar se kush ka qënë arsyeja e konfliktit mes tyre.
Sipas burimeve për “Iconstyle.al”, “molla e sherrit” mes dy vajzave është bërë miku i ngushtë i Anxhelinës, grimieri i njohur Ariel.
Duke qenë një personazh i njohur në SHBA, e veçanërisht i lidhur me familjen Kardashian, Beatrix i ka kërkuar Ariel-it ta ndihmojë, për t’i hapur mundësi të reja për në Los Angeles.
Por kjo nuk i ka pëlqyer aspak kushërirës së saj, Anxhelinës, e cila ndan të njëjtën shtëpi me grimierin e famshëm, dhe ka kohë që jeton me të.
