Mauro Icardi pasi shënoi golin e parë me kombëtaren e Argjentinës dhe u shpall lojtari i vitit në Serie A, ka folur për kombëtaren argjentinase nën drejtimin e Jorge Sampaolit.
Kapiteni i Interit deklaroi se nuk bëhej fjalë për një grup të bashkuar, për këtë arsye nuk arritën që të shkonin larg. Menjëherë ka ardhur reagimi i Angel di Maria. Futbollisti i PSG-së ka dalë në mbrojtje të grupit të Seleçion, duke përdorur edhe tone të ashpra.
“Nuk më plas se çfarë ka thënë Icardi. Është vështirë që t’i pëlqesh të gjithëve që në ditën e parë. Çdokush duhet të ketë mendimin e tij. Mendimi im nuk ndryshon. Kam qenë në 2010 me persona fantastike dhe spektakolarë. Në 2014 e njëjta gjë, me të mëdhenj e të vegjël.
Mauro erdhi një apo dy herë me Alejandro Sabellan dhe një apo dy herë me Sampaolin. Vështirë që të përshtatet që në ditën e parë apo të ndihet i dashur nga të gjithë. Ai ndoshta nuk u ndje pjesë e grupit, pasi i duhej kohë”.
