Dyzet delegatë nga e gjithë Shqipëria, bënë historinë kur në orën 14:00 të datës 28 nëntor 1912, firmosën në Vlorë deklaratën e Pavarësisë së Shqipërisë. Por ndonëse dhanë një kontribut kaq të vyer për vendin, shumë prej tyre patën një fund tragjik.
Ismail Qemali vdiq në rrethana të dyshimta më 24 Janar 1919 në një hotel në Peruxha të Italisë. Thuhet se u helmua, ndonëse kjo nuk është vërtetuar. Mid’hat Frashëri, vdiq në një hotel në Nju Jork në rrethana misterioze. Dom Nikollë Kaçorri, vdiq i mërguar në Vjenë të Austrisë nga një tumor në mushkëri. Bab Dud Karbunara, vdes pasi u rrah nga banda e haxhi Qamilit. Qazim Kokoshi arrestohet nga komunistët dhe vdes nga torturat në hetuesinë e Vlorës.
Rexhep Mitrovica, kryetar i Qeverisë së Regjencës gjatë pushtimit nazist, vdes në mërgim më 21 Maj 1967. Shefqet Daiu, u arrestua nga komunistët dhe vdiq në burg më 1946. Xhelal Koprencka, vritet pabesisht në vitin 1919 në një pritë, në një ngjarje ende të pazbardhur.
Ndërkohë djali i tij burgoset dhe më pas pushkatohet nga komunistët në vitin 1979. Luigj Gurakuqi vritet në bari të Italisë nga Balto Stambolla më 2 mars 1925. Lef Nosi, pushkatohet nga komunistët më 1946 pranë Kodrës së Priftit në Tiranë. Bedri Pejani, u arrestua nga Sigurimi i Shtetit Shqiptar. Vdiq i helmuar në një spital në Prizren më 1946.
