Gjykata e Krujës ka pranuar kërkesën e Rexhep Rrajës për gjykim të shkurtuar. Seanca e radhës do të zhvillohet në datë 4 dhjetor. Në rast dënimi djali i deputetit Rraja do përftojë ulje dënimi me 1/3.
Në seancën e sotme ku u pranua edhe gjykimi i shkurtuar ishte e pranishme dhe Xhisiela Maloku.
25-vjeçrja para gjyqtares Engjëllushe Tahiri ka deklaruar se ka gënjyer për të gjithë kallëzimin e saj. Xhisiela në këtë proces ka statusin e të dëmtuarës.
Në datë 24 tetor Gjykata e Krujës pranoi kërkesën e prokurorisë e cila për djalin e deputetit socialist ka ngritur akuzën e kanosjes ndaj Xhisiela Malokut.
Rexhep Rraja ndodhet në burg me akuzën e përndjekjes së ish-të dashurës së tij.
Kjo çështje krijoi debate të forta politike pasi opozita akuzoi deputetët socialist Rrahman Rraja dhe deputetët të tjerë të PS se i bënë presion policisë së Fushë Krujës për ta mbyllur këtë dosje
Për këto akuza prokuroria e Tiranës ka nisur një procedim të veçantë ndërsa ish-oficeri i policisë gjyqësore në Fushë Krujë Emiljano Nuhu.
Ky i fundit i dërgoi një letër autoriteteve më të larta në vend duke denoncuar rastin. Më pas ai kërkoi azil politik në Zvicër.
Nuhu deri më sot nuk ka paraqitur as edhe një provë për të mbështetur pretendimet e ndërhyrjes së deputetëve socialist në pengimin e hetimeve.
