Një ditë më parë u mbajt në Pejë mbledhja e përbashkët mes qeverisë së Shqipërisë dhe asaj të Kosovës. Deklaratat e forta të bërë nga ana e kryeministrit Edi Rama, duket se kanë shqetësuar jo pak Serbinë.
Sipas mediave në Beograd, në mbledhje e përbashkët u foli qartë për projektin e krijimit të “Shqipërisë së Madhe”.
“Deklaratat e Edi Ramës pas takimit të përbashkët të qeverive, janë mbështetja e drejtpërdrejtë se Shqipëria dhe Kosova po punojnë në projektin e “Shqipërisë së Madhe”, tha për Sputnik Branko Radun.
“Shqipëria e Madhe” është krijuar tashmë në sferën ekonomike. Sipas Sputnik, hapi i radhës i dy qeverive do jetë bashkimi politik.
“Kur njerëzit në Serbi paralajmëronin se projekti “Shqipërisë së Madhe” mund të shkaktojë konflikte në Ballkan, i quanin akuza dhe teori konspiracioni. Thuhej se nuk kishte asnjë bazë, por tashmë është e qartë se projekti i “Shqipërisë së Madhe”, ka hyrë në një fazë të re”, tha Radun.
Raduni beson se ekonomia ka peshë, por shqiptarët e duan projektin politik të “Shqipërisë së Madhe”. Sipas tij, Shqipëria mbështet Kosovën në politikat anti-serbe.
“Natyrisht, ata kanë mbështetje nga Perëndimi, sepse Rama nuk do fliste ma marrë një dritë jeshile. Rama e portretizon veten si lideri më pro-perëndimor në Ballkan dhe është i lidhur ngushtë me Uashingtonin dhe Londrën. Prandaj kjo duhet të konsiderohet në këtë kontekst – ai ka marrë dritë jeshile për ta bërë këtë. Natyrisht, disa forca nuk janë në interes të normalizimit të situatës në Ballkan. Unë mendoj se Shqipëria nuk pyetet këtu, por i është thënë për të bërë atë dhe e bëri. Natyrisht, kjo është edhe linja e tyre ideologjike e politikës “së madhe”. Por, Shqipëria dhe Kosova nuk do guxonin t’i thonin këto pa mbështetjen e Perëndimit”, tha Radun./TIRANA TODAY/
