Aksi Levan-Tepelenë është bllokuar mëngjesin e sotëm, si pasojë e rrëshqitjes së një masivi të madh gurësh nga skarpatet anësore. Kjo gjë ka detyruar autoritetet të devijojnë lëvizjen e automjeteve. Në këtë mënyrë, gjithë ata që lëvizin drejt jugut duhet të përdorin rrugën e vjetër të Ballshit.
Lajmin e bën të ditur ARRSH, e cila shton se në vend kanë mbërritur kompanitë kontraktore me qëllim normalizimin e situatës.
“Autoriteti Rrugor Shqiptar njofton se per shkak te reshjeve intensive te shiut, ne aksin Levan-Tepelene prane Poçemit ka patur rreshqitje masivi guresh ne rruge. Kompanite kontraktore kane mberritur ne vend per te vleresuar situaten dhe zhbllokuar rrugen. Ndersa ne bashkepunim me policine rrugore eshte devijuar qarkullimi dhe mjetet po perdorin rrugen e vjeter te Ballshit”, thuhet në njoftim.
