Në intervistën për revistën ‘Stylist’, këngëtarja Rita Ora ka folur për Kosovën dhe gjuhën shqipe .
Rita është pyetur se çfarë do të thotë për të të jetë kosovare dhe si ka ndikuar që Rita të jetë ajo që është sot.
“Nuk kam fjalë ta përshkruaj se sa krenare jam për prejardhjen time. Më herët këtë vit kam perfomuar në dhjetë vjetorin e pavarësisë së Kosovës dhe ishte një përvojë e mrekullueshme jo vetëm për mua por edhe për familjen time”, është përgjigjur Rita.
Ndërsa e pyetur nëse flasin në shqip në familjen e saj, Rita ka thënë: “Flas shqip, është shumë e rëndësishme që të vazhdojmë ta mbajmë gjuhën”.
Gjithashtu Rita Ora ka pozuar për revistën britanike ‘Stylist’.
Ndërkohën ditën e sotme këngëtarja ka publikuar këngën “Falling to Pieces”, e cila është e 14-ta e albumit të saj të dytë, “Phoenix”.
Kjo këngë është një nga më të veçantat në albumin e saj, kjo pasi i dedikohet qytetit të saj ku u rrit, Londrës.
““Falling To Pieces” ka të bëjë me Londrën dhe është kënga me të cilën jam shumë krenare. Ka shumë elemente muzikore në të. Ka një tekst shumë të trishtuar, por është e kundërta me muzikën optimiste. Është një ekuilibër me atë që Londra më bën të ndihem. Është shtëpia ime”, ka thënë ajo së fundmi në një intervistë për “A Listit”.
Ditët e fundit, Ora ka bërë edhe publikimin e këngëve “Cashmere” dhe “Velvet Rope”.
