E pabesueshme ajo që ka ndodhur në një ndeshje të “Suzuki Cup”. Tailanda ishte duke udhëhequr takimin 1-0 ndaj Filipines por tradhtohet nga portieri. Ishte një goditje drejt portës që devijohet dhe përfundon në shtyllë, më pas parakalon gjithë pasqyrën e portës.
Numri 1 i Tailandës hidhet për të kapur topin, por e dërgon brenda në rrjetë, duke e mbyllur takimin në 1-1. Veprimi i portierit është i pashpjegueshëm, duke qenë se nuk ishte një top i drejtuar me forcë dhe portieri kishte gjithë komoditetin ta largonte nga vija fatale, nëse nuk e zotëronte dot.
Ky autogol i çuditshëm ka ngritur pikëpyetje për një rezultat të pacaktuar: e gjithë situata të çon drejt këtij version të medias locale, në mos portieri i Tailandës e ka patur mendjen diku tjetër…
