Humbja ndaj Skocisë duket se po çon në largimin e trajnerit italian, Christian Panucci. Ky i fundit pritet të mbyllë aventurën e tij në stolin kuqezi, ndërsa FSHF po mendon tashmë për pasardhësin e italianit.
Drejtuesit e Federatës Shqiptare të Futbollit kanë kontaktuar me një nga mesfushorët brilantë të kuqezinjve në vitet 1990-2001, Bledar Kola.
Edhe pse ky i fundit vazhdon të jetë në pankinën kuqezi, pritet që pas miqësores me Uellsin të ulet me presidentin Armand Duka për të negociuar prishjen e marrëveshjes.
“Panorama Sport” mëson ekskluzivisht se Kola ka biseduar javën e kaluar me përfaqësuesit më të lartë të FSHF, duke marrë një propozim konkret.
Kola ka një karrierë të pasur si trajner në Greqi, por edhe si zv.trajner. Në kombëtare, ai ka luajtur në vitet 1990-2001, duke shënuar 6 gola në 40 takime.
