Mërgim Mavraj është graduar kapiten i kombëtares kuqezi, por gjesti që bëri në fillimin e ndeshjes me Skocinë penalizmi gjithë ekipin. Ai është një futbollist me eksperiencë të madhe dhe vetëm nga ai nuk pritej një gabim ‘foshnjarak’ ku ra preh e një provokimi amator të kundërshtarit.
Arbitri nuk e fali kapitenin Mavraj dhe e dërgoi në dhomat e zhveshjes menjëherë, duke bërë që skocezët të fitonin terren dhe të shënonin plot katër gola në këtë ndeshje. Qendërmbrojtësi me anë të një statusi në Facebook ka kërkuar falje publike për atë që kishte ndodhur dhe kërkon që ta kritikojnë, por jo të vihet në diskutim dashuria që ai ka për fanellën kuqezi.
Postimi i Mërgim Mavrajt:
“E ndjej të kërkoj publikisht falje për atë moment dobësie ? Të gjithë gabojmë dhe këtë herë më ndodhi mua. Për Kombëtaren kam luajtur dhe i dëmtuar madje në situata edhe shumë më të vështira, ndaj ajo që kërkoj është të më kritikoni, sigurisht, por jo të vini në diskutim rrespektin dhe dashurinë për këtë fanellë e këto ngjyra.
Shohim përpara, me bindje se Shqipëria do të kthejë kapitull. Të gjithë bashkë mund tia dalim përsëri, por nëse jemi të ndarë ateherë mund të na mposhtë kushdo.” Me rrespekt Mërgim Mavraj #kuqezi #albania
