Presidenti i Republikës, Ilir Meta, të premten, tregoi arsyen e dekretimit të Sandër Llëshit në postin e ministrit të Brendshëm, si dhe arsyen e mosdekretimit të tij javën e shkuar. I ftuar sonte në mbrëmje në emisionin “Zonë e Lirë”, Meta sqaroi se vetëm ditën e djeshme i ka ardhur kërkesa nga ana e Ministrisë së Mbrojtjes, e cila i propozonte lirimin nga detyra të Gjeneral Sandër Lleshit.
Presidenti tha se pas lirimit, Lleshit i hapej rruga për t’u dekretuar si ministër i Brendshëm.
‘Dje kam gjetur shkresën zyrtare të Ministrisë së Mbrojtjes e cila kishte bërë propozimin për lirimin nga detyra si gjeneral. Nëse do ma kishin sjellë këtë kërkesë që më parë do ta kisha dekretuar. Kjo është një arsye e madhe, është arsye kushtetuese’, – deklaroi Meta.
