Gruaja e El Chapos, Emma Coronel Aispuro Guzmán ka marrë të gjithë vëmendjen e medias dje në Brooklyn teksa u shfaq në mbështetje të bosit të drogës, i cili doli para gjykatës.
E krahasuar me Kim Kardashian, ajo u shfaq me një stil të admirueshëm, ndërsa është bllokuar nga gazetarët që janë përpjekur t’i marrin një prononcim.
Megjithatë, Emma nuk ka dhënë asnjë deklaratë, ndërsa ka mbërritur në gjykatë për të përkrahur të shoqin. Ajo kishte veshur pantallona të ngushta të zeza dhe një xhaketë të zezë, ndërsa flokët i kishte të kapura.
Emma ishte vetëm 18-vjeçe kur u njoh me El Chapon, i cili në atë kohë ishte 50-vjeç. Ajo u bë gruaja e tretë e El Chapos, dhe ka pasaportë amerikane e meksikane.
Joaquin El Chapo Guzman akuzohet se ka udhëhequr Sinaloa Cartel duke e bërë atë organizatën më të madhe kriminale në botë, duke dërguar më shumë se 155 ton kokainë në Shtetet e Bashkuara për 25 vjet.
Procesi do të zgjasë më shumë se 4 muaj.
