Granit Xhaka ka treguar se është një futbollist i madh dhe mjaft kompletuar. Zvicerani i skuadrës së Hamburgut, Leo Lacroix ka bërë një vlerësim maksimal për mesfushorin me origjinë shqiptare, duke e cilësuar si një “playmaker të vërtetë”.
Xhaka tashmë është 26 vjeç dhe është konsideruar si një ndër mesfushorët më premtues në botë që nga momenti kur u largua nga Borussia Monchengladbach drejt Arsenalit në vitin 2016.
Që nga fillimi ai u bë një ndër lojtarët kryesor të “Topçinjve” dhe ka luajtur në cdo ndeshje të Premier Leagues sezonin që lamë pas, ndërsa aktualisht ka munguar vetëm në një takim.
Pavarësisht se në një moshë të re, mesfushori ka luajtur edhe në dy Kupa Bote me Zvicrën, duke ndihmuar helvetikët të kalojnë grupet për herë të parë që nga vitet 1930.
“Unë kam luajtur me Xhakën në ekipet zvicerane të moshave U-18 dhe U-19, pastaj ai shkoi drejt ekipit të parë”, ka thënë fillimisht për Goal. “Ai ka cilësi të jashtëzakonshme, mund të bëjë dallimin me pasimet e tij, rikuperimin e topit dhe golat e tij. Ai është një udhëheqës i vërtetë. Ai është kapiteni i Zvicrës dhe skuadra është ndërtuar rreth tij, ai luan rolin kryesor në Arsenal. Gjithçka që i ndodh atij është e merituar, sepse ai është një punëtor i vërtetë”, përfundoi lojtari zviceran.
