Policia e shqiptare, e veshur me uniformë nuk është parë në ceremoninë e varrimit të Konstandinios Kacifas.
Media greke shkruajnë se policia shqiptare është treguar shumë diskrete. Në mediat tona shkruhet se forcat e rendit dhe sigurisë kanë qenë të veshura civile. Sipas autoriteteve kjo “fshehje” e policisë është bërë për të shmangur incidente të mundshme.
Ndërsa nacionaliste greke kanë zbarkuar me flamuj në duar dhe parulla anti-shqiptare në tokën tonë. Deri më tani asnjë reagim nuk është bërë nga ana e autoriteteve.
Madje në vendin tonë ekstremistët grekë kanë shpalosur edhe flamuj të Vorio Epirit. Ata kanë bërë thirrje nacionaliste se: “Vorio Epiri është Greqi! Maqedonia është Greqi!”. Këto thirrje provokuese janë bërë në tokën shqiptare.
Ndërsa në funeralin e Kacifas dukej sikur çdo grek mbante nga një flamur në duar. Mund të themi se sot në tokën shqiptare është “folur greqisht”. Notat nacionaliste kanë shoqëruar gjithë ceremoninë e varrimit të Konstandinos Kacifas.
