Klodian Duro shkarkohet nga detyra si trajner i Kamzës. Lajmin e ka bërë të ditur vetë ekipi, nëpërmjet një njoftimi në Facebook.
Mësohet se shkak i shkarkimit është mungesa e rezultateve, gjë që pranohet nga vetë klubi.
“Mungesat e rezultateve na detyrojnë të bëjmë një zgjidhje tjetër në këtë moment”, shkruhet ndër të tjera në njoftimin e ekipit të Kamzës.
Nuk kanë munguar as komentet ironizuese, ku sportdashësit shkruajnë se “vetëm Kamza ndërron trajner për çdo humbje”, apo se ndërrimi i trajnerit nuk do e ndalë rënien e ekipit nga kategoria.
Njoftimi i plotë në faqen zyrtare të ekipit:
Klubi bene te ditur mbylljen e bashkepunimit me trajnerin Klodian Duro. Duke e falenderuar trajnerin per kontributin e tij te palodhur, perkushtimin dhe gjithçka dha per skuadren tone, bejme te ditur se rruget tona ndahen ketu. Mungesat e rezultateve na detyrojne te bejme nje zgjidhje tjeter ne kete moment. Trajnerit Klodian Duro, i urojme suksese ne karrieren e tij ne vazhdimesi dhe e konsiderojme gjithnje pjese te familjes sone.
