I jepet sot lamtumira e fundit Kostandino Kaçifas, trupin e të cilit e mori familja një ditë më parë. Ceremonia mortore do të mbahet në orën 14:00 në fshatin Bularat të Dropullit në Gjirokastër.
Prindërit, miqtë, të afërm, por dhe mbi 2000 qytetarë grekë kanë mbërritur me autobusë në fshatin Bularat. Familaj e 35-vjearit ka hapur dyert e mortit. Nëna e tij në një foto të postuar nga mediat greke shikohet pranë trupit të të ndjerit. Ajo është e veshur me të zeze dhe vajton për humbjen e djalit. Arkivoli i të riut është hapur. Ai është i veshur me rroba ushtarake. Këto pamje janë me të vërtet të rënda.
Ndërsa shumë miq e dashamirës ja dyndur drejt Gjirokastrës. Por sipas mediave greke ata u janë nënshtruar kontrolleve të shumta. Bashkia e Dropullit njoftoi se do të mbulojë shpenzimet e varrimit.
Masat e sigurisë në kufirin shqiptaro-grek në Kakavije janë rritur. Pala shqiptare ka shtuar ndjeshëm prezencën policore.
Pasditen e së mërkurës në shtëpinë e familjes Kaçifas ishte afër prindërve për të shprehur ngushëllimet ambasadroja greke në Tiranë Eleni Sourani. 35-vjeçari Kaçifas u vra nga forcat speciale të RENEA më 28 Tetor në fshatin Bularat.
