Policia e Lezhës ka vënë në pranga një 21-vjeçar. Ai është i riu Margenat Jaku, 21 vjeç, banues në Lezhë. Ai është ndaluar pasi qarkullonte me armë pa leje.
Njoftimi i policisë
Tjetër goditje në kuadër të operacionit ” Ndëshkimi i të fortëve”
Vihet në pranga një shtetas i cili qarkullonte në ambiente publike me armë zjarri me vete
I sekuestrohet arma e zjarrit tip pistoletë me fishekë
Forcat policore në Komisariatin e Policisë Lezhë, në kuadër të operacionit ” Ndëshkimi i të fortëve” , kanë vijuar kontrollet me qëllim rritjen e parametrave të sigurisë dhe parandalimin e krimeve, ku si rezultat arrestuan në flagrancë shtetasin :
– Margenat Jaku, 21 vjeç, banues në Lezhë
Gjatë kontrollit të ushtruar në mjetin e tij, iu gjet dhe sekuestrua në cilësinë e proves materiale një armë zjarri pistoletë tip Smith me 5 fishekë.
Materialet proçedurale në ngarkim të tij iu referuan Prokurorisë pranë Gjykatës Shkallës Parë Lezhë për veprën penale ” Prodhim dhe mbajtje pa leje e armëve luftarake dhe municionit” parashikuar nga neni 278 i Kodit Penal.
