Një krim i rëndë ka ndodhur në Durrës, ku një person është gjetur i vrarë dhe një tjetër i plagosur. Viktima dhe i plagosuri janë gjetur brenda një automjeti Audi në lagjen 13 në zonën e plazhit.
Mësohet se viktima është Edison Harizaj 39 vjeç, kurse i plagosuri Genci Caci 33 vjeç, të dy nga Vlora. Ndërkohë, në Shën Vlash është gjetur një makinë e djegur, që dyshohet të jetë përdorur në krim. Ndërsa kujtojmë se emri i Edison Harizajt nuk ishte i panjohur për policinë. Ai njihej si krahur i djathtë i Emiliano Shullazit.
Ngjarja
Edison Harizaj ishte duke udhëtuar nga Tirana drejt Vlorës, kur i është bërë pritë nga dy persona në lagjen nr.13 në Durrës.
Ndaj makinës “AUDI” ku udhëtonte Harizaj bashkë me mikun e tij është qëlluar me breshëri kallashnikovi. Vendi ku autorët ekzekutuan mikun e Shullazit nuk ka ndriçim, ndërsa më pas u larguan në sens të kundërt të autostradës. Autorët pas atentatit kanë shkuar në zonën e Shën Vlashit të Durrësit dhe kanë djegur makinën me të cilën kryen vrasjen, e cila ishte e vjedhur. Më janë karguar me një tjetër makinë për të humbur gjurmët.
Pistat e hetimit
Viktima e këtij atentati Edison Harizaj dyshohet se është ekzekutuar për hakmarrje, pasi ka qenë i përfshirë në zhdukjen e Albano Xhaferrit në Vlorë. Harizaj ka qenë i skeduar si i përfshirë edhe për disa ngjarje kriminale në vend. Ngjarja e rëndë në Durrës, ka bërë që drejt qytetit bregdetar të niset RENEA. Pika kontrolli janë ngritur në Tiranë, Fushë Krujë dhe Kavajë.
