Vrasja e Konstantinos Katsifas ende po trajtohet me të njëtën jehonë si ditën e parë. Mediat greke shkruajnë pa reshtur, e ndërsa sot fokusi është tek fakti se grekët kanë shumë pikëpyetje, ku sipas tyre, Prokuroria shqiptare po heton 35-vjeçarin e vdekur.
“E pabesueshme”. Kështu nis shkrimi një nga mediat greke, ku thotë se prokurori shqiptar ngriti akuza kundër minoritarit grek Konstantinos Katsifas, trupin e të cilit pas gjashtë ditësh nuk i është kthyer familjes së tij për varrim ende nga autoritetet shqiptare.
Akuzat që janë parashtruar janë për vrasje kundër oficerëve të policisë, posedim ilegal të armëve dhe përdorim të paligjshëm të armëve. Në fakt, babai i viktimës, Ioannis Katsifas, u thirr në Tiranë jo për të tërhequr trupin e fëmijës së tij, por për të dëshmuar për rastin konkret.
Në deklaratat e tij, avokati i familjes Konstantinos Giovanopulos, thekson se ky është një veprim anti ligjor. Unik në absurditetin e saj në sistemin ligjor ndërkombëtar, dhe kërkoi reagimin e komunitetit ligjor në Greqi dhe Europë.
Mbetet e panjohur nëse trupi i Konstantinos Katsifas do t’i kthehet sot familjes së tij, ose në qoftë se pengohet nga autoritetet shqiptare jo vetëm për të mbuluar rastin, por edhe për të parandaluar që varrimi i tij të shndërrohet në një protestë kundër makinacioneve të qeverisë shqiptare.
Për ata që nuk e dinë, vlen të theksohet fakti se nuk hetohet personi, por ngjarja në fjalë! Grekët janë të gabuar me këtë tezë, pasi hetohet ngjarja, nëse ka të implikuar, etj.
