Ish-deputeti i Partisë Demokratike, Besnik Mustafaj ka komentuar situatën mes Shqipërisë dhe Greqisë, pas ngjarjes në Bularat të Gjirokastrës.
Mustafaj tha se vrasja e Kacifas ishte një incident tragjik, por që nuk ka lidhje me negociatat. Teksa komentoi reagimin e kryeministrit Rama, analisti e quajti atë një përpjekje të shëmtuar të kryeministrit për të ngjallur simpati nacionaliste.
“Ngjarja e ndodhur në Bularat është një incident tragjik, s’ka lidhje me negociatat.
Gjuha e përdorur nga kryeministri Rama është një përpjekje e shëmtuar për të ngjallur në Shqipëri simpati nacionaliste të atyre shtresave nacionaliste.
Besoj se nuk ka vend për përdorime politike, ama duhet bërë një hetim në të mirën e ruajtjes së miqësisë me Greqinë”, tha Mustafa. Ky i fundit po ashtu komplimentoi qëndrimin e ish-kryeministrit Berisha, të cilin e konsideroi si reagimin më të mirë lidhur me ngjarjen.
