Një nënë e re shqiptare ka qetur vdekjen si pasojë e një aksidenti të rëndë të ndodhur në Salaria të Italisë. Emri i saj është Adelina Toska. Ajo ishte 33 vjeç dhe e lë pas burrin dhe dy fëmijët e moshës 6 dhe 12 vjeç.
Ajo kishte mbërriti në Itali disa vite më parë, dhe ishte integrua me jetën atje. Ajo jetonte me familjen e saj në Casali di Poggio Nativo ku bashkëshorti i saj punonte si një murator. E gjithë bashkësia është në zi dhe është mbledhur rreth familjes së gruas. Ende nuk është vendosur nëse funerali do mbahet në Itali apo në Shqipëri.
Adelina po udhëtonte nga Salaria në drejtim të Rietit, me makinën e saj tip “Peugeot 206” që u përplas me një “Alfa 159”, që vinin nga drejtimi i kundërt. Edhe personi që po drejtonte makinën me të cilën u përplas shqiptarja ka marrë lëndime. Ai është dërguar në gjendje të rëndë në spital./Përshtati: Tirana Today//
