Anxhela Peristeri ka folur më në fund në lidhje me unazën e fejesës. Lajmi u përhap në kohë reale pas qarkullimit të një fotoje, ku ajo shfaqej me një unazë me gur në dorën e majtë. Nga studio e “Rudina” në “Tv Klan”, këngëtarja zbuloi cila është e vërteta.
“Në fakt, ai lajm ka dalë kot, sepse unë kam 4 vjet me unazë në gisht. Domethënë në të gjitha programet dhe emisionet, edhe në këngët e mia e kam pasur atë unazë…”, tha ajo. Por Rudina vazhdoi ta ngacmonte: “Po është unazë tipike kur fejohet dikush…”.
“Po nuk ma kanë dhuruar akoma atë unazë, fatkeqësisht. Nuk kam marrë propozim deri tani. Ka dalë një lajm kot me këtë unazën, ndërkohë që pothuajse në të gjitha fotot e mia jam me unazë ndër vite”, theksoi këngëtarja.
Po fotot pse ua ndaloi miqve të saj natën e ditëlindjes? Edhe për këtë, Anxhela e ka një përgjigje: “Fakti që unë nuk doja që të bëheshin foto në festën e ditëlindjes sime, ishte sepse njerëzit, sa herë që dalin, hutohen në celular dhe nuk e kanë mendjen fare te argëtimi.
Doja që të gjithë të mos merreshin me celularin dhe as të bënin video live ‘ja ku jemi ne’. Janë disa gjëra që unë jam kundër, dhe nuk doja që të ekzistonin. Atë natë doja që të bënim qejf dhe ishte një ide shumë e mirë, sepse u kënaqëm”.
