Vjen një tjetër dëshmi lidhur me ngjarjen e djeshme në Bularat të Gjirokastrës. Është gazetari Vasil Kaliva, ai që ka dhënë detaje lidhur me vrasjen e Kacifës. Gazetari, i cili ka punuar për mediat greke, ndodhej dje në Bularat për të bërë një reportazh lidhur me ceremoninë.
Sipas tij, vrasja e Kacifës ka qenë e planifikuar. A e lidh ngjarjen me ngritjen e flamurit me mbishkrimin “Vorio Epir tokë greke”.
Kaliva tha: Mora vesh në orën 16:00 që Kostandinos ishte vrarë. Mora vesh se në qendër të fshatit polici i zonës me emrin Qani, iu drejtua Kostandinit dhe i kërkoi të dorëzohej. Emrin e Qaniut e them me bindje të plotë sepse e dëgjova nga një fshatar këtu. Dua edhe të bëj thirrje me këtë rast që njerëzit të mos tremben, por të thonë të vërtetën dhe të mos bëjnë komente politike.
Më tha që Kostandinos në orën 09:00 ishte në klubin e fshatit dhe pinte kafe me të tjerët. Polici erdhi iu drejtua dhe i tha të dorëzohej.
Ai nuk u dorëzua por shkoi në një vend, mori një kallashnikov, tre karikatorë dhe një çantë me fishekë dhe erdhi në shesh të fshatit dhe nisi të qëllonte në ajër. Më pas u drejtua për në mal. Në këtë moment erdhën forcat RENEA. Ne nuk morëm vesh asgjë, sepse mitingu ishte me zë të lartë dhe muzikë. Pastaj vazhdoi një drekë, thonë që u vra në orën 16 :00. Ka mendime të ndryshme për vrasjen e Kostandinos. Njerëzit këtu janë të trysnuar.
Unë di vetëm një të vërtetë që Konstandini ishte bërë objekt për t’u vrarë dje dhe e them me plot bindje të plotë. Nuk e di kush e ka vënë objektiv. Dua të përgënjeshtroj lajmin që Konstandini nuk ishte ekstremist dhe nuk ishte për të vrarë njerëz. Sepse nëse donte të vriste njerëz Konstandini mund ti kishte vrarë të katërt dhe mund të kishte ikur dhe asnjëri nuk kishte mundësi ta kapte.
Kostandini donte të ngrinte një flamur të madh në qendër të Bularatit ku shkruhej “Vorio Epir tokë greke”, ky flamur u vendos dhe vjet. Këtë vit erdhën 5 ditë parë disa persona dhe e kërcënonin të mos ngrinte flamurin.
Ai ishte i trysnuar të mos e ngrinte flamurin. Katër policë i kërkuan Kostandinit të dorëzohej, do ta merrnin me vete apo nuk e di.. por ai nuk u dorëzua dhe vajti e mori armë. Ai nuk qëlloi mbi policinë.”
Trupi i Konstandin Kaçifës vijon të ndodhet në morg ndërkohë në fshat e njohin 35 vjeçarin si djali që ishte pjesë e organizimeve të festës së 28 tetorit, që çdo vit bëhej në Bularat.
