Një 39-vjeçar e ka pësuar keq, pasi është kapur në tentativë për të vjedhur një lokal. Ngjarja ka ndodhur dje në Durrës. Shtetasi me iniciale F.K. kishte hyrë për vjedhur në një lokal, por është kapur mat nga nipi i pronarit. Ky i fundit e ka goditur atë disa herë me dru në kokë, duke i shkaktuar plagë të rënda.
NJOFTIMI I PLOTË
Specialistët për Krimet në Komisariatin e Policisë Durrës kanë arrestuar në flagrancë shtetasin:
- Skënder Lisaku 25 vjeç, banues në fshatin Jubë, Durrës.
Gjithashtu filloi procedimi penal në ngarkim të shtetasit F.K. 39 vjeç.
Në fshatin Jubë, shtetasi Skënder Lisaku ka tentuar të vrasë me mjete të forta duke e goditur disa herë në kokë (me dru) shtetasin F. K. i cili ishte futur, për të vjedhur lokalin e dajës së tij, shtetasit A.V.
Shtetasi F.K. ndodhet në spitalin e Traumës Tiranë nën kujdesin e mjekëve.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Vrasja me dashje” e mbetur në tentativë në ngarkim të shtetasit S.Lisaku dhe “Vjedhja “e mbetur në tentativë në ngarkim të shtetasit F.K. parashikuar në nenet 76 – 22 dhe 134-22 të Kodit Penal.
