Liverpool do të përballet sonte në Beograd me Crvena Zvezdan në kuadër të Champions League. Një sfidë që pritet të jetë e veçantë për Xherdan Shaqirin, pas asaj shqiponje të bërë me duar pas golit në fitoren e Zvicrës ndaj Serbisë në Botërorin e Rusisë.
Një ditë më parë futbollisti nga Serbia i cili luan për Zvezdan dhe Australinë, Milosh Degenek, ka shpërthyer në deklarata fyese ndaj futbollistit me origjinë shqiptare.
“Nëse dëshiron të provokojë, le të provokojë dhe të dëshmojë se çfarë njeriu është dhe sa vlen. Qartë nuk vlen aspak si njeri, pasi dëshiron të provokojë në bazë të racës së dikujt, shtetit prej nga është, prejardhjes. Edhe më keq që ai vetë nuk e di prej nga është”, ka thënë Degenek për mediat serbe të martën.
