Ditët e fundit është krijuar një situatë e tensionuar, në lidhje me vërtetësinë e fondeve sekrete greke. Po aq me interes të shtuar u pa lista e publikuar me emrat e politikanëve dhe gazetarëve shqiptarë, të financuar nga ky fond.
Në një lidhje me korrespodentin e “Top Channel” në Greqi, Artur Bibe, i cili është njohur me dokumentin e “pagesave”, ky i fundit ka deklaruar se lista në fjalë ka kode dhe iniciale, të cilat nuk i bën të ditura për arsye hetimore.
“Lista ka kode dhe iniciale. Unë e kam parë këtë listë bashkë me kolegët grekë. Urdhri i prokurorisë greke, na detyron të mos flasim më shumë”, u shpreh ai në emisionin “Top Show”.
I pyetur se sa kode e sa llogari ka për Shqipërinë, Bibe tha se në Shqipëri janë me mijëra që financohen prej vitesh.
