Kreu i Policisë së Shtetit Ardi Veliu, ka dalë para pak minutash para medias. Ai ka folur mbi operacionet e zhvilluara së fundmi për goditjen e krimit.
Në fokus të këtij operacioni, Veliu tha se kanë qenë personat që përbëjnë rrezik për komunitetin dhe që sfidojnë haptazi Policinë e Shtetit.
Por, më shumë se deklaratë, fjala e kreut të Policisë së Shtetit ngjau me një show të parapërgatitur.
Që në fillim, Veliu tha se operacioni ishte kryer me porosi të kryeministrit dhe urdhër të ministrit të Brendshëm. Pra, le të themi se merita kryesore për arrestimet e bëra së fundmi i shkoka kryeminsitrit Rama dhe Xhafajt.
Po ashtu, Veliu hodhi poshtë thashethemet se mes oepracioneve ka pasur edhe dekonspirim.
“Operacioni i orëve të fundit goditi anëtarët e 4 grupeve kriminale, në 12 qarqe pa asnjë dekonspirim. Sot, jam përballë jush për t’ju informuar rezultatet e para të një tjetër operacioni me shumë rëndësi. Që nga mesi i shtatorit, policia e shtetit programoi zhvillimin e një operacioni. U hartuan listat në cdo komisariat për individët me probleme. Operacioni ligjor ndëshkon individët që cenojnë rendin dhe qetësinë publike. Policia e Shteti e vendosur të mos lejojë që askush të mos sfidojë autoritetin e shtetit. Nga 20 shtator, drejtoritë e policisë, forcat renea, e ndërhyrjes së shpejtë janë angazhuar në operacionin “Ndëshkimi i të fortëve”.
Kemi arrestuar më shumë se 300 persona.
Janë sekuestruar 43 armë zjarri të llojeve të ndryshme, automjete dhe sasi parash. Kërkojmë ndjesë nëse kontrollet kanë shkaktuar ndonjëherë shqetësim. Nuk ka të fortë përpara autoritetit të ligjit.
Në ditët e ardhshme do prezantojmë një paketë masash për parandalimin dhe ndëshkimin e krimit në territor.”
Një fjalim ky që të ngjan me fjalimet e kryeministrit Rama. Si të mos mjaftonte fjalimi, mediat panë edhe një video nga këto operacione. Pamje këto të ndërthurura me një muzikalitet të fortë, që të ngjante sikur po shikoje një film aksion. E sigurisht, edhe videoja e prezantuar nga kreu i Policisë së Shtetit nuk ka qenë rastësi, por pjesë e show-it si për të thënë se “sa mirë po punon Policia e Shtetit”.
