Ylli Limani nuk do të garojë në “Kënga Magjike”. Ky është vendimi final i marrë prej tij, ndërsa e gjykon se aktualisht është më mirë të merret me klipe. Më herët zërat qarkullonin se ai do të ishte fitues, dhe se do të vinte me një baladë në këtë 20-vjetor të festivalit.
Mirëpo i kontaktuar nga ‘lajmi.net’, këngëtari ka thënë se në momentin e fundit ka marrë këtë vendim. Ai ka vendosur të fokusohet në projekte muzikore, sesa festivale.
“Arsyeja pse kam heq dorë në moment të fundit prej ‘Këngës Magjike’, është që në momentin e fundit kam vendos mos me shku për arsye se nuk e kom ndje që duhet me shku. Nuk ka të bëj as për qe me u djeg kënga, as që kam problem me organizatorët e festivalit, dhe vet festivalin në përgjithësi. Po kam më shumë dëshirë me u merr me këngë e klipe, sepse ka më shume publicitet dhe përfitim’’, tha ai.
