Venat kryejnë një funksion të rëndësishëm duke dërguar gjakun dhe oksigjenin nga zemra në trup.
Ndodh që venat të bëhen shumë të dukshme dhe kjo është shenjë e disa problemeve shëndetësore.
Megjithatë në të shumtën e rasteve, ato nuk janë të rrezikshme për shëndetin tuaj.
Por, cilat janë arsyet përse venat bëhen të dukshme?
Lloji i lëkurës
Njerëzit me lëkurë të çelët kanë më shumë gjasa të kenë vena të dukshme sesa ata me ton të errët të lëkurës. Po ashtu, dukshmëria e venave ëstë më e madhe nëse lëkura juaj është e hollë.
Gjatë plakjes, shtresa e yndyrës nën lëkurë bëhet e hollë. Kjo është arsyeja pse njerëzit e moshuar kanë vena të dukshme.
Ushtrimet/Stërvitja
Kur ju stërviteni, muskujt tuaj fryhen dhe mund të shtyjnë venat tuaja në drejtim të sipërfaqes së lëkurës duke i bërë ato të dukshme. Pas ushtrimit, muskujt tuaj tërhiqen dhe venat tuaja bëhen më pak të dukshme.
Shtatzënia
Dukshmëria e venave në këtë rast nuk ka asgjë për t’u shqetësuar. Kjo pasi vëllimi i gjakut i një gruaje shtatzënë është më i lartë se ai i një gruaje jo shtatzënë dhe venat po përpiqen të mbajnë lart këtë sasi të shtuar të gjakut.
Yndyrë të ulët në trup
Yndyra e ulët mund të jetë një arsye pse venat tuaja bëhen të dukshme. Njerëzit e dobët kanë një shtresë të hollë dhjami nën lëkurën e tyre, e cila nuk mund të mbulojë plotësisht venat që i bën ato më të dukshme.
Arsye për të vizituar mjekun
Nëse venat e dukshme shoqërohen nga simptoma, si dhimbja e gjoksit, gulçimi, ulçera, duhet të vizitoni patjetër një mjek. Këto simptoma mund të shkaktohen nga probleme shëndetësore të tilla si variçet, tromboflebiti dhe sëmundjet venoze dhe nuk duhet të injorohen.
