Ish-kreu i Policisë Bashkiake, Florenc Hoxha është marrë në pyetje për rreth 3 orë sot në Prokurorinë e Krimeve të Rënda.
Hoxha u pyet lidhur me çështjen “Babalja”, pasi deputeti Salianji tha se videon që ai publikoi, e kishte filmuar ish-kreu i Policisë Bashkiake.
Hoxha ka pranuar para prokurorëve se ka qenë ai personi që realizoi videon me Fredi Alizotin, i cili thuhet se është autori që imitoi vëllain e Xhafajt, Agron Xhafajn.
Po ashtu, në dëshminë e tij, ish-kryepolici tha se videon e ka regjistruar në qershor me në kamera në orë dore. A ka shtuar se kishte dyshuar për faktin se pse Alizoti i ishte vetëofruar në takim.
“Dyshova se Alizoti m’u vetëofrua dhe e regjistrova. E regjistrova me një kamera në orë dore”, mësohet të ketë thënë Hoxha. Pas dëshmisë Hoxha dorëzoi dhe orën me të cilën ka bërë regjistrimin në prokurori.
