Khabib Nurmagomedov dhe Floyd Mayweather me anë të disa postimeve në rrjetet sociale kanë paralajmëruar se në të ardhmen mund të zhvillohet një duel mes tyre në boks. Babai i rusit është shprehur se diçka e tillë mund të ndodhë dhe për këtë duhet të përgatitemi më së miri, për të dalë të fituar. Sipas tij pritet që Khabib të stërvitet nga ish-boksieri amerikan të peshës së rëndë Mike Tyson.
Duke folur për mediat ruse, Abdulmanap Nurmagomedov, u shpreh: “Nëse Khabib do të ketë mundësinë të duelojë ndaj Mayweather do të ketë më shumë shanse për ta mundur boksierin amerikan. Khabib do t’i shkojë këtij dueli deri në fund. Për këtë sfidë, do të doja në stafin tonë specialistët më të mëdhenj të boksit botëror, Anatoly Lomachenko dhe Mike Tyson”.
Megjithatë, babai i kampionit të botës tha se për të fillimisht e rëndësishme është të mësojë fatin e djalit të tij pas hetimeve të Komisionit të Sportit të Nevadës, pas incidentit që u krijua pas eventit UFC-229. “Është shpejt për të folur për një marrëveshje për këtë duel boksi, por jam i sigurt se Khabib ka shumë shanse për ta fituar atë duel”, tha Abdulmanap Nurmagomedov.
