Para se të ishte një vrasës masiv, Hitleri duket se ka qenë dhe një devijant seksual. Së paku, kështu është konkluduar nga një investigim amerikan mbi rininë e tij. Aty shkruhet për të shkuarën e tij, e cila më pas prodhoi një kasaphanë njerëzore.
“Adolf Hitler ka jetuar për një kohë në një hotel me homoseksualë në Vienë”. Kjo thuet në një profil të publikuar nga CIA për udhëheqësin nazist. Në vitin 1943, Inteligjenca amerikane përgatiti një dosje të destinuar për presidentim Roosevelt. Dosja kishte detaje për kundërshtarin e tij. Në të shkruhej se Hitleri në të njëjtën kohë ishte “homoseksual dhe heteroseksual.”
Dosja
Dosja, e cila ka 70 faqe, pretendon se Adolf Hitleri më vonë u bë seksualisht i tërhequr nga zëvendësi i tij, Rudolf Hess. Për këtë të fundit thuhet se ishte një transvestit me famë.
Raporti është përpiluar nga antropologu Henry Field. Ai ishte i zgjedhur anëtar i një ekipi të posaçëm ekspertësh të themeluar nga Shtëpia e Bardhë për të gërmuar në çdo lloj informacioni në lidhje me oficerët e lartë nazistë, por veçanërisht në lidhje me Hitlerin.
Dosja mbulon të gjitha detajet e biografisë së Hitlerit, që nga edukimi i tij; manitë e ushqimit, mënyrat e sjelljes, muzikën e preferuar, mënyrën se i përgatiste fjalimet etj. Por një vëmendje e veçantë i është kushtuar seksualitetit të tij.
Flet njeriu i besuar i Hitlerit
Dihet se nga viti 1910 e deri më1913, Hitleri jetonte në një hotel për meshkuj në rrugën Meldemstrasse në Vjenë, ku dhe organizoheshin orgji homoseksuale.
OSS, shërbim që është në kohën e Luftës së Dytë Botërore ishte paraardhëse e CIA-s sotme, thekson se “hoteli kishte një reputacion të keq si vend”.
Informacion në lidhje me seksualitetin e Hitlerit ka dhënë dhe Ernst Hanfstaengl Sedgëick. Ky i fundit ka qenë mik i tij dhe njeri i besuar. Por me kalimin e kohës, ai pushoi së qeni i preferuar i Hitlerit. Ai u arratis për në Britaninë e Madhe, dhe më pas drejt SHBA ku kishte dhe nënën. Pastaj filloi të punojë në ekipin e ekspertëve në Shtëpinë e Bardhë, të cilëve u ofroi informacion rreth Hitlerit dhe njerëzve afër tij.
Hitleri përshkruhet në dokumente si “sadomazokist me një vijë homoseksuale shumë të theksuar”./Tirana Today/
