Kreu i Partisë Demokratike, Lulzim Basha do të shkojë në Prokurori, pasi do të merret në pyetje për rastin “Xhisiela”.
Prokuroria ka kërkuar të pyesë kryedemokratin, i cili duhet të paraqitet të premten për të dhënë qëndrimin e tij.
Basha u padit për shpifje edhe nga kryetari i grupit parlamentar të PS, Taulant Balla. Ky i fundit u shpreh i prerë për t’i shkuar kësaj çështjeje deri në fund.
“Lulzim Basha ka fobi nga këto godinat dhe nuk besoj që do paraqitet ndonjë ditë pavarësisht se burrërrisht i takon të vijë e të përballet.
Unë do t’i shkoj deri në fund këtij procesi sikurse dhe një procesi të ngjashëm. Dhe jam i bindur që në fund të këtij procesi do fitoj një vendim gjykate që nuk do më vlejë vetëm mua, por edhe PD.
PD sot është shndërruar në një parti që kalon nga një puntatë në puntatën tjetër të Babales”, deklaroi Balla.
