Një 22-vjeçar nga Vlora është arrestuar, pasi ka tentuar të trafikojë në Greqi një minorene. Në pranga ka rënë shtetasi Xhoni Qëndraj, banues në lagjen “Partizani” në Vlorë. Ai u arrestua pas kallëzimit të bërë nga shtetasja F.A., 17-vjeçe, banuese në Vlorë.
Vajza ka deklaruar se shtetasi Xhoni Qëndraj e kishte marrë atë nga Vlora me qëllim për ta trafikuar në shtetin Grek, bënë me dije burime zyrtare nga Policia e Sarandës.
Policia e Sarandës bën me dije se Qëndraj, në momentin e kapjes në Pikën e Kalimit Kufitar Sarandë, ka bërë rezistencë duke mos iu bindur shërbimeve të policisë.
“Gjithashtu, Xhoni Qëndra është një nga bashkëpunëtorët në lidhje me operacionin ‘Four’ më datë 03.10.2018, ku u dokumentuan 10 vjedhje. Materialet iu referuan Prokurorisë për veprën penale ‘Trafikimi i të miturve’ dhe ‘Mosbindja ndaj urdhërit të punonjësit të policisë së rendit publik’, parashikuar nga neni 128/b dhe 242 të Kodit Penal”, raportohet nga Policia e Sarandës.
