Kreu i deputetëve të LSI, Petrit Vasili, sërish është marrë me kryeministrin Rama, teksa nënvizon se ai meriton çmimin “Nobel” për nxitjen e përdhunimit. Në statusin e tij të radhës në Facebook, Vasili shkruan se kryeministri Rama meriton çmimin “Nobel”, si nxitës i përdhunimit edhe në kohë paqeje.
Ironia e tij therëse vijon edhe më tej, teksa shkruan se Rama e meriton Nobelin, pasi denoncuesit i përndjek për jetë a vdekje, ndërsa perdhunuesit i vë në krye. Vasili e bën këtë krahasim, pasi Komiteti i Nobelit në Oslo ndau sot Çmimin Nobel për Paqe. Mjeku kongolez Denis Mukwege dhe veprimtarja irakiane e të drejtave të njeriut, Nadia Murad, morën Çmimin Nobel të Paqes për vitin 2018. Të dy u nderuan për luftën e tyre kundër dhunës seksuale, si armë në luftë.
Për marrjen e këtij çmimi, ka patur edhe një konkurencë të madhe. Këtë vit për ta marrë Çmimin Nobel u emëruan 216 persona, dhe 115 organizata. Çmimi Nobel i Paqes, i shoqëruar me nëntë milionë krona suedeze (rreth 860.000 euro), është i vetmi nga Çmimet Nobel që nuk jepet në Stokholm, por në Oslo.
Statusi në Facebook nga Petrit Vasili
“Kryeministri ynë e meriton çmimin “Nobel” për nxitjen e përdhunimit. Komiteti i Nobelit në Oslo ndau sot Çmimin Nobel për Paqe.
Nadia Murad dhe Denis Mukwege janë fituest e tij. Ata drejtonin fushatën kundër përdhumineve në luftë. Kryeministri ynë e meriton plotesisht çmimin “Nobel”, por në të kundert, si nxitës i përdhunimit edhe në kohë paqe bile. E meriton me shume hak kryeministri Nobelin edhe sepse denoncuesit i përndjek për jetë a vdekje, ndërsa përdhunuesit i vë ne krye te qoshesë. Aferim Nobelisti ynë i zi”.
