PD e cilëson si një fasadë, arrestimin e djalit të deputetit të PS. Deputetja demokrate Jorida Tabaku, i ka mëshuar faktit se po synohet mbyllja e skandalit. “Arrestim për fasadë, në shkëmbim të heshtjes së opinionit publik. Ka synim edhe mbylljen sa më parë të skandalit”, tha Tabaku.
Më tej, deputetja e PD u shpreh se heshtja nuk do të tolerohet, ndërsa shtoi se do të jetë pjesë e shoqërisë civile në protestën e ditës së sotme, në orën 17:30 përballë Kryeministrisë. Po kështu ajo citoi se Xhisiela vijon të jetë nën kërcënimin e bandës në pushtet, dhe se nuk është marrë në mbrojtje, pasi asnjë institucion nuk funskionon.
“Pushteti i Edi Ramës i ka dhënë lehtësi dhe nëse shpallet fajtor i biri i deputetit, do të dalë pas 6 muajsh. Xhisiela vazhdon të jetë nën kërcënimin e bandës në pushtet; ajo nuk është marrë akoma nën mbrojtje, sepse asnjë institucion sot nuk funksionon qëllimshëm.
Policia bëri gjithçka për të fshirë gjurmët e krimit, dhe tani arrestimin për fasadë. Ky është truku që Rama po përdor për të mbyllur skandalin. Nëse ne i tolerojmë në heshtje, radha do të vijë edhe për fëmijët tanë. Sot në orën 17:30 të protestojmë, që së bashku ta ndalim krimin”.
https://tiranatoday.com/rrahman-rraja-nuk-largohen-nga-grupi-parlamentar-i-ps-hiqeni-nga-mendja/
