Luftës mes Chelsea dhe Liverpool për të nënshkruar me futbollistin francez, Nabil Fekir i është bashkuar edhe gjiganti spanjoll, Real Madrid. Sipas “L’Equipe” madrilenët janë vënë në ndjekje të Fekir për të zëvendësuar Cristiano Ronaldon. Nuk ka akoma një ofertë zyrtare, por mendohet se presidenti Florentino Perez ka dhënë pëlqimin për tu futur në garë.
Në sezonin e kaluar mesfushori me tipare sulmuese shënoi 18 gola dhe dha 8 asiste në Ligue 1. Ai kreu vizita mjekësore te Liverpool gjatë verës, por marrëveshja nuk u arritur, sepse “të kuqtë” patën dyshime në lidhje me një dëmtim të pësuar tre vjet më parë.
“Nuk më ka kërkuar vetëm Liverpool, e dini edhe për kontaktet me Chelsea por kam qenë në bisedime me një tjetër klub të madh, gjithsesi jam ende pjese e Lyon dhe duhet të jap maksimumin në këtë sezon,” – tha Fakir, pas fitores ndaj Manchester City në Champions League. Vlera e tij në merkato është rreth 60 milionë euro
