Tre persona janë arrestuar, mes të cilëve të një avokate, për korrupsion aktiv të funksionarëve të drejtësisë. Të arrestuarit janë avokatja private Donata Lepenica 57 vjeç, Yzeir Bala 32 vjeç dhe Megi Naksi 31 vjeç, pasi gjykata ka vendosur ndaj tyre arresr me burg.
Policia e Tiranës bën me dije se çështja është ende nën hetim dhe nuk jep të tjera detaje. ABC Neës bën me dije se i pezulluar nga detyra është edhe prokurori i Tiranës Përparim Hasa. Të arrestuarit ishin të përshirë në një çështje korrupsioni me vlerë 2 mijë Euro, të paguara për të ndryshuar akuzën.
Në kuadër të këtyre hetimeve, prokurorët e krimeve të rënda kanë bllokuar prej katër ditësh serverin e kamerave të sigurisë së Prokurorisë së Tiranës. Hetuesit do të shqyrtojnë pamjet e kamerave të këtij instituticioni.
Njoftimi i policise
Tiranë
Finalizohet operacioni policor i koduar “Ndërmjetësi”.
Operacioni nga Seksioni për Hetimin e Korrupsionit në bashkëpunim me Prokurorinë për Krimet e Rënda Tiranë.
Ekzekutohen masat e sigurisë “Arrest me burg” për 3 shtetas.
Vepra penale në ngarkim të tyre “Korrupsioni aktiv i Gjyqtarit, Prokurorit dhe funksionarëve të tjerë të drejtësisë e kryer në bashkëpunim”, parashikuar nga neni 319/25 i Kodit Penal.
Specialistët për Hetimin e Korrupsionit në bashkëpunim me Prokurorinë e Krimeve të Rënda Tiranë në kuadër të operacionit policor të koduar “Ndërmjetësi”, bënë ekzekutimin e Vendimit Penal të Gjykatës së Shkallës së Parë për Krimet e Rënda, e cila ka caktuar masën e sigurimit “Arrest me burg”, për shtetasit :
– Donata Lepenica, 57 vjeçe banuese në Tiranë (avokate private në qytetin e Tiranës )
– Yzeir Bala, 32 vjeç, banues në Tiranë
– Megi Naksi, 31 vjeçe, banuese në Tiranë
Për shkak të hetimit nuk bëjmë me dije të dhëna të tjera.
Policia e Tiranës nën drejtimin e Prokurorisë për Krimet e Rënda Tiranë vijon hetimet për identifikimin e personave të tjerë të përfshirë në këtë veprimtari kriminale.
