Futbolli në Algjeri nuk është thjeshtë një lojë, por ai përdoret si biznes për të bërë para me anë të trukimit të ndeshjeve. Këtë gjë e tregon një reportazh tronditës i “BBC”-së. Ka qenë një ndërmjetës i fiksimit të ndeshjeve ai që është rrëfyer dhe ka treguar me detaje se sa kushton të bësh diçka të tillë.
“Është shumë e lehtë për çdo njeri që të fiksojë ndeshje dhe të parashikojë rezultate. Thjesht duhet të kuptosh procesin dhe hilet. Për shembull, në ligën më të lartë, një penallti e dhënë nga gjyqtarët e korruptuar mund të kushtojë minimum 10 mijë euro. Një barazim mund të kushtojë dyfishin ndërsa një fitore minimumi 80 mijë euro. Dhunë, korrupsion, gjithçka mund të gjesh aty. Unë mund të rregulloj një ndeshje të lartë të futbollit algjerian për 120 mijë”, tregon ndërmjetësi për fiksimin e rezultateve.
Algjeria “parajsa” e trukimeve në futboll, ja “lista e çmimeve”
Presidenti i Shoqatës së Futbollit Algjerian, i ka thënë BBC se pastrimi i futbollit është një nga prioritetet e ekipit aktual të menaxhimit: “Ne nuk duhet të gënjejmë veten. Ekipi ynë kombëtar është i sëmurë. Futbolli algjerian është i sëmurë”, u shpreh presidenti Zetçi.
