Klubi kampion në Superligën e Kosovës, Drita, ka konfirmuar ditën e sotme se në stol do të ulet ish-trajneri i Partizanit, Flamurtarit, Shkëndijës së Tetovës dhe shumë ekipeve të tjera, Shpëtim Duron.
Me anë të një postimi në Facebook, kampionët e Kosovës konfirmojnë që janë hedhur firmat dhe se janë në dijeni të aftësive të trajnerit, po ashtu besojnë se me të do të arrijnë objektivat sezonale.
Shpëtim Duro zëvendëson kështu Bekim Isufin që dha dorëheqjen, trajnerin që edhe e shpall kampion sezonin e kaluar, ndërkohë që në këtë fillim sezoni, Drita ka marrë 4 humbje dhe vetëm 1 fitore, në 5 takimet e para.
Postimi i Dritës në Facebook
Mirë se vini profesor!
Nga sot ne krye të shtabit teknik në skuadrën tonë do të jetë trajneri i mirënjohur Shpëtim Duro.
Duro është trajner i dëshmuar dhe shpresojmë që së bashku do t’i arrijmë objektivat që kemi.
Na priftë e mbara!
